Thursday, September 27, 2007

നല്ലനാളെയെത്തേടി......

വിരസതയേറുന്നിതാവര്‍ത്തനത്താല്‍
വിരചിതം,ദുസ്സഹമെത്രയീ ജോലി
കരവിരുതോ മമ സ്ര്ഷ്ട്യാത്മമെന്തും
ചെറുതെങ്കിലുംസ്പഷ്ടമാക്കാനതില്ല.

ഇരുളും വെളിച്ചവും മാറി മാറുന്നൊ-
രറിയിപ്പു നല്‍കും സമയമാം തേരില്‍
ഒരുപാടു സ്വപ്നസാത്കാരത്തിന്നായി
പ്പണമെന്ന മിഥ്യതന്‍ നിഴലായിടുന്നൊ?

തരമില്ല ,സ്നേഹത്തിനിന്നില്ല സ്ഥാനം,
കഥ നിന്റെ കേല്‍ക്കുവാനിന്നില്ല നേരം
കഥയറിയാതെയിന്നാടുന്നു ഞാനും
ഒരുനല്ല നാളെയെന്‍ സ്വപ്നമതല്ലൊ!

5 comments:

ശ്രീ said...

“തരമില്ല ,സ്നേഹത്തിനിന്നില്ല സ്ഥാനം,
കഥ നിന്റെ കേല്‍ക്കുവാനിന്നില്ല നേരം”

:)

Shaf said...

കഥയറിയാതെയിന്നാടുന്നു ഞാനും
ഒരുനല്ല നാളെയെന്‍ സ്വപ്നമതല്ലൊ!
-----------------------
പലപ്പോഴും നമ്മുക്ക് ഒരു പായ്ക്കപ്പലിന്റെ റോള്‍ മാത്രമെയുള്ളൂ..
ഒരുനല്ല നാളെയെന്‍ സ്വപ്നമതല്ലൊ!
അത് മാത്രമാണ്‌ ജീവിക്കാന്‍ പ്രേരിപ്പിക്കുന്നത്

വേണു venu said...

പ്രകൃതി തന്നെ ആവര്‍ത്തനത്തിന്‍റെ സത്യമാണല്ലോ.:)
ഒ.ടോ. സാക്ഷാത്ക്കാരം എന്നല്ലേ.

padmanabhan namboodiri said...

ഒരു നല്ലനാളെയെന്‍ സ്വപ്നമല്ലൊ

എന്നായാല്‍ നന്നായി.
കല്ലുകടി ഒഴിവാവും
ഒരു “ത” അധികം കിടക്കുന്നു

jyothi said...

thank u all for the encouragement..

About Me

ഒരുപാടു വര്‍ഷങ്ങള്‍ക്കുശേഷം ഒന്നു കുത്തിക്കുറിയ്ക്കുവാനുള്ള ശ്രമത്തിലാണു....വിജയിയ്ക്കുമോ എന്നറിയില്ല...